Teluk Kuantan, HarianTimes.com - Sehubungan Kuantan Singingi akan melaksanakan Pemilihan Umum Kepala Daerah/Wakil Kepala Daerah (Pemilukada) Tahun 2020. Datuk Seri Pebri Mahmud yang diamanahkan sebagai Ketua Umum Majelis Kerapatan Adat (MKA) Lembaga Adat Melayu Riau (LAMR) Kuantan Singingi menghimbau kepada Seluruh Pengurus LAMR/Pemangku Adat/Ninik Mamak/Tuo Kampuang/Tuo Banjar/Tungganai di Kabupaten Kuantan Singingi (Kuansing), Riau untuk bijak dalam menyikapi suasana Politik dan tidak memanfaatkan ADAT untuk kepentingan Politik Tertentu.
Sekiranya ada prosesi adat (seperti Bagito, Mangoku Induak/Mamak/Nogori, Pemberian Gelar, dll) yang berkaitan dengan Bakal Calon tertentu untuk DITUNDA pelaksanaannya setelah Pilkada selesai agar keharmonisan kehidupan bakampuang, banogori, ba anak, ba cucu kamanakan tetap terjaga," demikian Datuk Seri Pebri Mahmud dalam maklumatnya, seraya menekankan Semoga menjadi perhatian," tegasnya, Sabtu (30/11/2019) di Teluk Kuantan.
KEWASPADAAN PEMANGKU ADAT :
Ingek-ingek urang dahulu
Urang kudian kok kahilangan
Ingek-ingek wahai penghulu
Kopak jo ridai ko batontangan
Ingek-ingek urang dahulu
Boban kok dialiah ka tangan
Ingek-ingek wahai penghulu
Ladiang kok lope dari tangan
Ingek-ingek urang dahulu
Tajak kok dialiah urang maompe
Ingek-ingek wahai penghulu
Cupak kok dialiah urang manggale
Ingek-ingek urang dahulu
Boban kok di aliah kaate bahu
Ingek-ingek wahai penghulu
Jalan kok dialiah urang lalu
Ingek-ingek urang dahulu
Kok pantai manyisir lumpur
Ingek-ingek wahai penghulu
Lantai kok nak tenggi pado bondur
Ingek-ingek urang maompe
Padi sawah kok kan tasaok
Ingek-ingek nan di ate
Nan di bawah kok maompok
Tatijak dibonang arang hitam tapak
Tasuruak digalah panjang patah pinggang
Arang tacuriang di koniang
Muko tak dapek disuruakkan
Alang tukang binaso kayu,
Alang codiak binaso adat,
Alang alim rusak Agamo,
Alang pandai rusak Nogori,
Nogori makonyo elok:
Penghulu lai sa andiko,
Monti lai sasoko jo pisoko,
Malin lai sa kitabullah,
Dubalang lai sa kudorat,
Tuo lai sapakaian,
Rantau dokek lai bakanono,
Rantau jauah lai baulangi,
Anak lai dipangku,
Kamanakan lai dibimbiang,
Urang banyak lai dipatenggangkan.
TUGAS DAN KEWAJIBAN PEMANGKU ADAT :
Panjang nan kan mangorek,
Lebar nan kan mandidi,
Pendek nan kan ma uleh,
Sentiang nan kan mambilai,
Salah nan kan manimbang,
Kusuik nan kan manyalosai,
Rumpang nan kan manyisik,
Cokak nan kan marorai,
Manconcang putui,
Manggantuang tenggi,
Mambuang jauah,
Mancabiak nan biang,
Mamutui nan gontiang,
Manimbang samo borek,
Maukur samo panjang,
Mambolah samo godang,
Nan kan manogur dengan sapo,
Nan kan manunjuak maajari,
Nan mahoriak sahabi gauang,
Nan maawai sahabi raso,
Nan manengok sahabi rupo,
Mahabisi dorak dengan doriak,
Nan mamocik mamogang,
Pocik nan bisa malopean,
Pogang nan tidak bisa maaliahkan.
Tanamlah sifat didalam diri:
Bakato bonar, menghukum adil
Badado lapang, baalam lebar
Menepati janji,
Mamakan nan halal,
Mamakai nan suci,
Gopuak indak mambuang lomak,
Codiak indak mambuang kawan,
Tenggi tidak malangkahi,
Diateh indak maompok,
Panjang indak malilik,
Loweh indak manyaok,
Arif jo bijaksano,
Tahu jo eriang dengan gendiang,
Tahu jo dahan nan kan maompok,
Tau jo rantiang nan kan mancucuak,
Tau jo bayang kato sampai,
Taat kapado Tuhan,
Suri tauladan dek nan banyak
Takojuik indak langsuang malumpek,
Mangango mako mangecek,
Maagak mako maagiah,
Maukur mako dijongko,
Api padam taguliang batang,
Lah torang jalan boke lalu,
Batali buliah diirik,
Batampuak buliah dijinjiang,
Putiah kapeh buliah diliek,
Putiah hati ba kaadaan,
Puntuang indak barasok lai.
Godang samo baiyo,
Ketek samo baduduak,
Dek bilangan gonok,
Dek langgaian datar,
Bokeh di huni untuak diambiak,
Nan godang duduak diujuang,
Nan ketek duduak dipangkal,
Awal nan kan dimulai dek nan godang,
Akhir nankan disudahi jo mufakat,
Nan ketek manuruik di belakang,
Timbang raso dek nan godang,
Irik jo elo dek nan ketek,
Ukur jo jongko basasuaian,
Tangan manconcang bahu mamikul,
Silang manyilang kato jo paiyoan,
Kato dahulu kato ditopekti,
Kato kudian kato dicari. ***
Editor/Penulis : Hendra Riko Purnomo